Óp d’r 23e november 2025 emfangete ‘t Dionne en d’r  Harm Wiertz d’r huekste KVV-orde: d’r Julde Kómpel. Dat óp basis van hönne ónverzetslieje izats vuur en hön jroeëse betrókkeheet bij de sjtad, de Kirchröadsjer folkloar en natuurlieg de vasteloavend.

De faierlieje oesrikkoeng vong plaatsj in de historiesje Abdij va Rolduc, tsezame mit 120 KVV-mitjelieder.

D’r burjemeester va Kirchroa sjprooch inne sjunne “laudatio”, woanoa de “laureate” zelver óp ing aintsiegate wies ee dankwoad mit hoemoor loze hure.

Aasjlissend vong inge jemuutlieje noazits plaatsj.

D’r orde is i 1972 in ’t leëve jeróffe en kent ing fieng lies va perzoeëne die ‘t brónze bild van D’r Joep al ieëder in emfank dórve neëme.

Óp vuurdraag van ing sjpetsiejel (sjtil) kommissiejoeën besjlist d’r Road van Elf mar sjporadiesj inge tse beneume.

Bezónger an dis editsiejoeën 2025 woar de fakt dat d’r vuur ’t ieëtsjt ing vrauw “laureaat” woar.

Doamit lieët d’r KVV zieë d’r richtieje wèg tse zieë i-jesjlage, zoeë merket burjemeester Petra Dassen sjtroalend óp.